MIJUSI wakongwe zaidi Duniani wagundulika Bonde la Ruhuhu

Imewekwa kuanzia tarehe: January 14th, 2026

MIAMBA ya kusini mwa Tanzania imeifungulia dunia ukurasa mpya wa historia ya uhai. Bonde la Ruhuhu mkoani Ruvuma limebainika kuwa chimbuko la baadhi ya mijusi wakongwe zaidi kuwahi kuishi duniani, wenye umri wa zaidi ya miaka milioni 240 kabla hata dinosaurs hawajatwaa dunia.

Masalia ya aina tatu za viumbe wa kale; *Ruhuhuaria, Ruhuhuensis* na *Ruhuhucerberus*, yamegunduliwa ndani ya Pori la Akiba la Litumbandyosi wilayani Mbinga mkoani Ruvuma  Wataalamu wa kimataifa wanaeleza viumbe hao walikuwa sehemu ya kundi la archosaurs, chimbuko la mamba, ndege na hatimaye dinosaurs, hatua inayojaza pengo kubwa la kimageuzi duniani.

Ugunduzi huu unaibadili Ruvuma kuwa kitovu kipya cha utalii wa akiolojia Afrika Mashariki, sambamba na urithi wa Tendaguru wa Lindi. Serikali inaona fursa ya kuongeza watalii  endapo miundombinu na matangazo ya kimataifa yataimarishwa.