RUVUMA yatoka gizani umeme wageuka nguzo ya mapinduzi ya kiuchumi

Imewekwa kuanzia tarehe: January 14th, 2026

Kutoka giza la kulazimishwa kulala mapema hadi mwanga unaoamsha ndoto,Ruvuma sasa inaandika historia mpya ya maendeleo. Leo, vijiji vyote 554 vya mkoa huu vimeunganishwa na umeme kwa asilimia 100, hatua iliyobadilisha maisha, uchumi na mwelekeo wa kizazi kizima.

Kwa mujibu wa TANESCO na REA, kaya zilizounganishwa vijijini zimeongezeka kutoka asilimia 34 mwaka 2016 hadi asilimia 78 mwaka 2025. Umeme sasa unaangaza nyumba, maduka, zahanati, gereji za vijana na miradi ya uzalishaji hata pembezoni kabisa mwa mkoa.

Meneja wa TANESCO Ruvuma, Mhandisi Eusebius Mhelela, anasema uwekezaji wa zaidi ya shilingi bilioni 146 umezaa “maisha mapya”,vijana kufungua biashara, wanawake kuongeza uzalishaji, na huduma za afya kuwa salama. 

Kwa kuendelea kwa mradi wa msongo wa kV 220 Songea–Tunduru,  inathibitisha ukweli maendeleo huanzia penye nishati ya uhakika.