MBINGA waadhimisha miaka 60 ya Muungano kwa kupanda miti

Imewekwa kuanzia tarehe: April 26th, 2024

Watumishi wa Halmashauri ya Wilaya ya Mbinga mkoani Ruvuma wameungana na wanafunzi na walimu wa shule ya Msingi Juhudi iliyopo Kata ya Kigonsera kuadhimisha miaka 60 ya Muungano kwa  kufanya usafi wa mazingira  na kushiriki zoezi la upandaji wa miti.

Shughuli hizo ambazo zimelenga utunzaji na uhifadhi wa mazingira zimefanyika kwenye maeneo mbalimbali ya shule ya msingi Juhudi.

Akizungumza kwa niaba ya Mkurugenzi Mtendaji wakati wa zoezi hilo, Bw. Pascal Ndunguru ambaye ni Afisa Maendeleo ya Jamii Halmashauri ya Wilaya ya Mbinga ametoa wito kwa jamii kuwa na utamaduni wa kutunza mazingira pamoja na kuendelea kupanda miti katika maeneo yao.