MBUNGE autumia ukumbi wa sekondari ya Dkt.Samia kwa mara ya kwanza

Imewekwa kuanzia tarehe: July 25th, 2024

MBUNGE wa Jimbo la Namtumbo mkoani Ruvuma Mheshimiwa Vita Kawawa ameutumia ukumbi wa bwalo la chakula katika sekondari ya wasichana ya Mkoa wa Ruvuma ya Dkt.Samia Suluhu Hassan iliyojengwa eneo la Migelegele wilayani Namtumbo.

Mbunge ameutumia ukumbi huo kugawa majiko ya gesi 300  yenye thamani ya  zaidi ya shilingi milioni 25 ambayo ameyatoa kwa wajasirimali wadogo ili kuhakikisha wajasirimali hao wanatumia nishati safi kupikia.

Serikali ya Awamu ya Sita inayoongozwa na Rais Dkt.Samia Suluhu Hassan hadi sasa imetoa shilingi bilioni 4.45 kujenga sekondari hiyo ambayo hadi sasa ina wanafunzi 600 wanaosoma katika sekondari hiyo yenye  uwezo wa kuchukua wanafunzi zaidi ya 1000 wanaosoma kuanzia kidato cha kwanza hadi cha sita.