LANGO la Hifadhi ya Taifa ya Nyerere la Namtumbo kufunguliwa Septemba 22,2023

Imewekwa kuanzia tarehe: September 13th, 2023

MKUU wa Wilaya ya Namtumbo Mkoani Ruvuma Mheshimiwa Ngollo Malenya amesema geti la  Hifadhi ya Taifa ya Nyerere katika Wilaya ya Namtumbo linafunguliwa rasmi Septemba 22,2023 na wananchi wataanza kufanya utalii  katika hifadhi ya Nyerere inayoongoza kwa ukubwa barani Afrika.

Amesema ufunguzi wa geti hilo  ni sehemu ya tamasha la kutangaza fursa mbalimbali zilizopo Wilayani Namtumbo na kwamba tamasha hilo limepewa jina la Namtumbo Kihenge ambalo linafanyika kwa siku mbili kuanzia Septemba 22 hadi 23 ambapo mgeni rasmi anatarajia kuwa Waziri wa Kilimo Mheshimiwa Hussein Bashe.