SEKRETARIETI Ruvuma yakagua mradi sekondari ya Samia kwa saa nne

Imewekwa kuanzia tarehe: May 12th, 2023

SEKRETARIETI  RUVUMA YAKAGUA MRADI SEKONDARI YA WASICHANA YA MKOA KWA SAA NNE

Sekretarieti ya Mkoa wa Ruvuma ikiongozwa na Katibu Tawala wa Mkoa wa Ruvuma Ndugu Stephen Ndaki imetumia zaidi ya saa nne kukagua mradi mkubwa wa ujenzi wa sekondari ya  wasichana Mkoa wa Ruvuma ambayo imetengewa shilingi bilioni nne.

Sekondari hiyo imesajiriwa jina la sekondari ya wasichana ya Dkt Samia Suluhu Hassan iliyojengwa eneo la Migelegele Kata ya Rwinga Wilaya ya Namtumbo

Hata hivyo hadi sasa shilingi bilioni tatu zimetumika kutekeleza mradi huo katika sekondari hiyo yenye uwezo wa kuchukua wanafunzi zaidi ya 1000 na ambayo inatarajia kuanza kuchukua wanafunzi Julai 2023.

Baada ya ukaguzi Sekretarieti imeuagiza uongozi wa Halmashauri hiyo kuhakikisha dosari zote zilizojitokeza zinafanyiwa marekebisho kwa wakati

Mkoa wa Ruvuma ni miongoni mwa mikoa kumi ya kwanza ambayo serikali inayoongozwa na Rais Dkt Samia Suluhu Hassan imetoa fedha za kujenga sekondari maalum za wasichana za mikoa