WALIMU wanaofundisha wenye ulemavu wanafanya kazi ya kitume-DC Namtumbo

Imewekwa kuanzia tarehe: March 8th, 2023

Mkuu wa wilaya ya Namtumbo mkoani  Ruvuma  Ngollo Ng’waniduhu Malenya  amesema walimu wanaofundisha watoto wenye mahitaji maalumu wanathawabu kubwa kwa mungu kwa kuwafundisha watoto wenye mahitaji maalumu kwa weledi mkubwa.

‘’Kazi hii ya walimu  ni yakitume , nawashukuru walimu wanaofundisha  watoto wenye mahitaji maalumu  katika shule ya msingi Namtumbo mnathawabu kubwa kwa mungu “ alisema mkuu wa wilaya  ya Namtumbo

Malenya aliyazungumza hayo wakati wa kukabidhi vifaa vilivyonunuliwa kwa michango ya  wanawake wa wilaya ya Namtumbo ili kuwasaidia  watoto wenye mahitaji maalumu waliopo katika shule ya msingi Namtumbo kama sehemu ya mchango wa wanawake wa wilaya ya Namtumbo katika kuathibisha siku ya wanawake  duniani.

Mwenyekiti wa kamati ya maadhimisho ambaye pia ni mwenyekiti wa Chama cha walimu wilaya ya Namtumbo  Anna Mbawala alimwambia mkuu wa wilaya huyo kuwa wanawake wa wilaya ya Namtumbo wamenunua vifaa kwa ajili ya kuwapatia watoto wenye mahitaji maalumu waliopo katika shule ya msingi Namtumbo.

Mbawala alidai vifaa vilivyonunuliwa ni sare za shule ,cherehani,sabuni na vifaa vidogovidogo kama  penseli,peni ili kuwarahisishia wanafunzi hao wenye mahitaji maalumu  kupata elimu inayostahili wakiwa shuleni hapo.

Mkuu wa kitengo cha elimu maalumu katika shule ya msingi Namtumbo Bibiana Adamu pamoja na kuwashukuru wanawake wa wilaya ya Namtumbo alisema kitengo katika shule ya msingi Namtumbo kilianzishwa mwaka  1993 kikiwa na mwalimu mmoja  na wanafunzi 5 ikiwa wasichana 2 na wavulana 3.

Bibiana alidai kwa sasa kitengo katika shule ya msingi Namtumbo  kina jumla ya walimu 4  wanaume 2 na wanawake 2 huku  idadi ya wanafunzi ikiwa 49 ,viziwi 9,asiyeona 1,usonji 3, viungo/akili 2 na ulemavu akili 34.

Hata Hivyo Bibiana Adamu alitaja changamoto ya utoro wa wanafunzi  unaosababishwa na wanafunzi kukaa mbali,changamoto ya umaskini wa familia wanakotoka watoto hao pamoja na jamii kutokubaliana na hali ya ulemavu  ya watoto wao na kuwaficha majumbani

Maadhimisho ya siku ya wanawake wilayani Namtumbo yameathimishwa leo tarehe 7mwezi huu kwa kutoa misaada ya vifaa katika shule yenye wanafunzi wenye mahitaji maalumu  na kutembelea  hospitali ya wilaya Namtumbo kuwaona  wagonjwa.

Kilele cha Maadhimisho ya siku ya wanawake duniani ni machi 8kila mwaka na  Kauli Mbiu ya siku ya wanawake duniani  kwa mwaka huu 2023  ni “Ubunifu na mabadiliko ya teknolojia ;chachu katika kuleta usawa wa kijinsia”