WAZIRI Mhagama atoa msaada wa vifaa tiba Muhukuru

Imewekwa kuanzia tarehe: July 13th, 2023

Mbunge wa Jimbo la Peramiho na Waziri wa Nchi Ofisi ya Waziri Mkuu Sera, Bunge na Uratibu Mhe. Jenista Mhagama  amekabidhi vifaa tiba,jezi na vitabu vya dini katika vijiji vya Nakawale na Maniamba kata ya  Kata ya Muhukuru  Halmashauri ya wilaya ya Songea.

Mheshimiwa Mbunge amegawa vifaa tiba katika Zahanati ya Kijiji  Cha Nakawale Viti vya kutembelea wagonjwa , Mashuka, taulo za kike, Dripu Stand, vyandarua na Kitanda  Cha Kujifungulia akina Mama.

Pia Mheshimiwa Jenista amewakabidhi viongozi wa dini ya kiislamu Misahafu na mikeka ya kuswalia, amegawa vifaa vya michezo (jezi na mipira) katika timu za Vijiji hivyo.

Katika Ziara hiyo Mbunge huyo   ameambatana  na Viongozi wa Chama Cha Mapinduzi ngazi  ya Wilaya,  Mwenyekiti wa Halmashauri, Mkurugenzi Mtendaji,  Waheshimiwa Madiwani pamoja na Wakuu wa Idara.