MADABA waanza ukarabati wa stendi

Imewekwa kuanzia tarehe: July 24th, 2025

Halmashauri  ya Madaba wilayani Songea mkoani Ruvuma imeanza rasmi ukarabati wa Stendi ya Mabasi ya Madaba.

Kazi ya awali inahusisha usawazishaji wa eneo la ndani la stendi, ikiwa ni mwanzo wa maboresho makubwa yanayolenga kuboresha huduma kwa abiria na kuchochea maendeleo ya usafiri wa umma katika eneo hilo.

• Mkurugenzi Mtendaji wa Halmashauri hiyo, Wakili Sajidu Idrisa Mohamed, ametembelea eneo la mradi huo na kufurahishwa na kasi pamoja na ubora wa kazi ya mkandarasi.

Wananchi wa Madaba wamesema wanaupokea mradi huu kwa matumaini makubwa, wakiamini kuwa stendi hiyo mpya itarahisisha usafiri, kuongeza shughuli za kiuchumi, na kubadili kabisa sura ya mji wa Madaba kuwa kitovu cha biashara na huduma bora kwa wasafiri.