DC TUNDURU asikiliza kero za wananchi

Imewekwa kuanzia tarehe: July 5th, 2024

Mkuu wa Wilaya ya Tunduru mkoani Ruvuma Mheshimiwa Simon Chacha amefanya mkutano wa hadhara na wananchi wa kijiji cha Misechela na kata ya Namasakata,lengo kubwa  lilikuwa kusikiliza kero za wananchi na kuzitafutia ufumbuzi wa kudumu.

Katika mkutano huo, Mkuu wa Wilaya aliwaonya wafugaji holela wanaokaidi agizo la kupeleka mifugo yao kwenye vitalu vilivyotengwa ambapo amewaagiza waache kupeleka mifugo yao kwenye mashamba ya wakulima na badala yake wafuate sheria kwa kuweka mifugo yao kwenye vitalu.

Mkuu wa Wilaya  pia aliwaasa wakulima na wafugaji kukaa pamoja na kutafuta suluhisho la changamoto zao kwa amani badala ya migogoro.