Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

MBINGA vijijini yaongoza ukusanyaji mapato mkoani Ruvuma

Imewekwa kuanzia tarehe: July 17th, 2024

Mkuu wa Wilaya ya Mbinga mkoani Ruvuma Mheshimiwa Kisare Makori ameipongeza Halmashauri ya Wilaya ya Mbinga kwa kukusanya mapato kwa asilimia 110 na kuweza kupata Hati Safi.

Makori ametoa pongezi hizo wakati anatoa salamu za Wilaya katika kikao maalum cha Baraza la madiwani cha kujadili taarifa ya Mkaguzi na Mdhibiti Mkuu wa Hesabu za Serikali (CAG) juu ya hoja na mapendekezo CAG kwa hesabu za Mamlaka ya Serikali za Mitaa kwa mwaka wa fedha wa 2022/2023 kwa Halmashauri ya Wilaya ya Mbinga.