Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

MWENGE wa Uhuru 2023 waridhia kuweka jiwe la msingi la mradi wa barabara ya Lami Mbinga

Imewekwa kuanzia tarehe: April 24th, 2023

Kiongozi wa Mwenge wa Uhuru Kitaifa 2023 Ndugu Abdalla Shaib Kaim ameridhia kuweka jiwe la msingi barabara ya lami nyepesi ya Mjimwema Halmashauri ya Mji wa Mbinga mkoani Ruvuma yenye urefu wa Kilometa 2.2 iliyogharimu shilingi bilioni moja.

Akitoa taarifa ya mradi huo kwa Kiongozi wa Mwenge wa Uhuru 2023,Meneja wa TARURA Wilaya ya Mbinga Mhandisi Oscar Musa amesema mradi umekamilika Desemba 2022 na kwamba hivi sasa upo katika kipindi cha matazamio hadi Desemba 2023.