Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

MWENGE WA UHURU waweka jiwe la msingi mradi wa maji Muhuwesi

Imewekwa kuanzia tarehe: April 17th, 2023

KIONGOZI wa Mbio za Mwenge wa Uhuru Kitaifa 2023 Ndugu Abdalah Shaib Kaim amekubali kuweka jiwe la msingi katika mradi wa maji kijiji cha Muhuwesi Halmashauri ya Wilaya ya Tunduru mkoani Ruvuma unaotekelezwa kwa gharama ya shilingi milioni 175.

Mradi huo unaotekelezwa na RUWASA umefikia asilimia 70.3 na kwamba ukikamilika utaongeza upatikanaji wa maji safi na salama kwa wananchi wapatao 7494.

Mradi ulianza kujengwa Mei 26,2022 na unatarajia kukamilika Aprili 30,2023.