RC MNDEME aagiza waliohujumu vifaa vya Kampuni ya CHICCO wasakwe na kukamatwa

Imewekwa kuanzia tarehe: June 27th, 2020

Mkuu wa Mkoa wa Ruvuma Christina Mndeme ameliagiza jeshi la polisi kuwasaka watu wote wanaotumiwa kuhujumu vifaa vya Kampuni ya CHICCO inayojenga barabara ya Mbinga hadi Mbambabay.

Mndeme ametoa maagizo yao baada yakupata taarifa kutoka kwa uongozi wa kampuni ya CHICCO kuwa kuna watu wameiba vifaa vya mitambo inayitumika kutengeneza barabara hiyo kwa kiwango cha lami nzito yenye urefu wa kilometa 67.

Mndeme amesikitishwa  kitende cha Wizi wa vifaa vya kutengenezea Barabara hiyo ambayo serikali imetoa shilingi bilioni 129 kutekeleza mradi huo ambao unatarajia kukamilika mwaka huu.

Utekelezaji wa  mradi huu hadi sasa ni zaidi ya  asilimia 50  ambapo Mndeme amesema Serikali imeamua kuwaondolea kero wananchi wa Mbinga na Nyasa waliokuwa na kiu ya kuona Barabara inakuwa kwa kiwango cha Lami lakini watu wachache wanataka kupoteza furaha yao kwa kuiba vifaa.

Mkuu wa Mkoa amemesikitishwa na  kampuni iliyopewa dhamana ya Kulinda vifaa hivyo ambapo ameagiza wahusika wote  wakamatwe na wachukuliwe hatua ya kisheria dhidi yao,   na mkataba na kampuni inayolinda uvunjwe.

,,Mimi niseme Ndugu zangu Chicco nimeumia sana na nimesikitika sana sikutegemea  kama kampuni iliyopewa dhamana  ya ulinzi huu ambao mmeingia nao mkataba wao wanakuwa wa kwanza kutuibia sasa mimi niwaahidi tu naenda kuchuwa hatua kuanzia sasa hawa wote waliofanya wizi huu tutawakamata’’.alissisitiza  Mndeme

Mndeme ameitaka  kampuni  hiyo iliyoiba vifaa kama wanamadai yao wafuate taratibu kwa sababu kwa wizi uliofanyika wamesababisha baadhi ya mitambo ya kampuni ya Chicco  imesimama haifanyi kazi jambo ambalo halikubaliki.

Mkuu wa Mkoa amewaagiza Kampuni ya Chicco kuendelea na mradi huo kwa kununua  betri na Mafuta ili kazi ziendelee.

Kampuni ya CHICCO katika Mkoa wa Ruvuma inasimamia miradi minne ikiwemo mradi wa Barabara Mbinga Mbambabay, ujenzi wa Bandari ya Ndumbi,Uwanja wa Ndege wa Songea na Mradi wa  barabara ya Kitai hadi Amani Makoro.

Mwakilishi wa Kampuni ya CHICCO alivitaja vifaa vilivyoibiwa kuwa  ni mafuta ya petroli lita 100 betri 4 za mitambo ambapo wezi walinadika karatasi ambayo imeleza kuwa wamefanywa hivyo ili  walipwe fidia zao.

Imeandikwa na Albano Midelo

Afisa Habari Mkoa wa Ruvuma

Mbinga

Juni 24,2020