RC RUVUMA akagua mgodi wa makaa ya mawe wa JITEGEMEE HOLDINGS COMPANY

Imewekwa kuanzia tarehe: March 13th, 2025

Mkuu wa Mkoa wa Ruvuma Kanali Ahmed Abbas Ahmed ameendelea na ziara yake ya kukagua migodi ya madini mkoani Ruvuma inayotekelezwa katika wilaya mbalimbali ikiwemo wilaya ya Mbinga,Namtumbo,Tunduru,Songea na Nyasa.

Hadi sasa amekagua miradi katika wiaya za Namtumbo na Mbinga ,akiwa katika wilaya ya Mbinga ametembelea Kampuni ya  uchimbaji makaa ya mawe ya Jitegemee Holdings,ambayo inamiliki mgodi wa Makaa ya mawe katika kijiji cha Ntunduwaro Kata ya Ruanda Wilaya ya Mbinga.

 Shughuli za uzalishaji katika mgodi huo  zilianza rasmi Mei 2021 na mgodi  una uwezo wa kuzalisha tani 2,500 hadi 3,000 za makaa ya mawe kwa siku kwa mashine zilizopo kwa sasa.

Hata hivyo  hadi kufikia Desemba 2022, jumla ya dani 652,128.8 za makaa ya mawe zimevunwa.Hadi kufikia  Desemba 2022 kampuni ilikuwa imeuza  jumla ya tani 522,450.08 za makaa ya mawe kwa wateja wa ndani na nje ya nchi.