SERIKALI yatoa milioni 750 kujenga barabara za Nyasa

Imewekwa kuanzia tarehe: November 7th, 2023

TARURA Mkoa wa Ruvuma imepokea  shilingi milioni 750 kwa ajili ya ujenzi wa barabara katika Wilaya ya Nyasa.

 Meneja wa TARURA Mkoa wa Ruvuma Mhandisi Wahabu Nyamzungu amesema fedha hizo zitafanya kazi ya ujenzi wa barabara ya Luhindo, Mpepo, Darpori kwa kiwango cha changarawe na madaraja.

“Lengo nikutaka kuwasaidia wananchi kwa kurahisisha usafiri na kuwatengenezea mazingira mazuri ya upatikanaji wa huduma mbalimbali kwa kupitia  mtandao wa barabara’’,alisisitiza.

Hata hivyo, amezitaja changamoto zinazoathiri utekelezaji wa mradi huo ni tabia ya wananchi kufanya ujenzi wa nyumba zao katika hifadhi ya barabara, kuchelewa kwa fedha za utekelezaji wa miradi hususani fedha za mfuko wa jimbo na mfuko wa barabara na wananchi kutupa takataka katika mifereji ya barabara husani.

Ameongeza kuwa  TARURA inaendelea kutoa elimu  kwa wananchi na kuzishirikisha Serikali za vijiji na mitaa katika kudhibiti zoezi la uendeshaji wa shughuli za kilimo pamoja na upitishaji wa mifugo barabarani.

Imeandikwa na Farida Baruti

 Kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma