TAMISEMI yatoa pikipiki kwa watendaji wa Nyasa

Imewekwa kuanzia tarehe: August 23rd, 2024

Halmashauri ya Wilaya ya Nyasa mkoani Ruvuma  imekabidhi pikipiki kwa watendaji wa Kata tatu za Mpepo,Mbambabay na Liwundi ili kuongeza uwajibikaji kwa wananchi.

Pikipiki hizo zimekabidhiwa kwa watendaji hao na   Mkurugenzi Mtendaji wa Halmashauri ya Nyasa Khalid Khalif amewataka watendaji hao  wafanye kazi kwa juhudi na kuongeza uwajibikaji kwa wananchi,ikiwa ni Pamoja na kutatua kero za wananchi.

Pikipiki hizo zimetoka Ofisi ya Rais Tawala za Mikoa na Serikali za Mitaa TAMISEMI na zimeletwa kwa ajili ya watendaji hao ili waweze kutekeleza majukumu ya kuwahudumia wananchi.

Amemshukuru Mhe. Dkt Rais Samia Suluhu Hassan kwa kutoa usafiri wa Pikipiki hizo.

Wakizungumza baada ya kukabidhiwa pikipiki hizo,Hiram Malugu ni Mtendaji Kata ya Mbamba bay ambaye amesema alikuwa anatumia pesa ya mfukoni kwa ajili ya kwenda kutatua changamoto za wananchi.