WANANCHI kijiji cha Mahande Mbinga wapata zahanati

Imewekwa kuanzia tarehe: October 20th, 2023

SERIKALI imetoa shilingi milioni 67 kutekeleza mradi wa Ujenzi wa Zahanati kijiji cha Mahande Halmashauri ya Wilaya ya Mbinga Mji Mkoani Ruvuma.

Wakati akisoma taarifa  mbele ya kamati ya Siasa CCM Mkoa wa Ruvuma, Mtendaji wa Kata ya Utiri Barclay Mwarabu amesema  mradi huo umegharimu kiasi cha fedha zaidi ya shilingi milioni 67 .

Mwarabu ameeleza fedha hizo zimetumika kununulia vifaa vya ujenzi viwandani na kulipa mafundi kwa shughuli mbalimbali za ukamilishaji wa mradi.

“Tunaishukuru Serikali ya Awamu ya Sita inayoongozwa na Rais Dkt Samia Suluhu Hassani kwa kutujengea zahanati hii maana ametutatulia changamoto kubwa ya huduma ya afya katika kijiji chetu”, amesema Mwarabu.