WATOTO wa kike 204 shule ya msingi Songea Mbano wapata chanjo ya kuzuia saratani

Imewekwa kuanzia tarehe: April 26th, 2024

Halmashauri ya Manispaa ya Songea mkoani Ruvuma  inatarajia kutoa  chanjo ya kuzuia Saratani ya shingo ya kizazi kwa Watoto wa kike  22,550 wenye umri wa miaka 9 hadi 14 .

Hayo yamesemwa na Katibu Tawala Wilaya ya Songea Mtella Mwampamba kwenye uzinduzi wa kampeni ya chanjo hiyo uliofanyika katika shule ya msingi Chifu Songea Mbano iliyopo katika Kata ya Ruvuma mjini Songea.

 Katika ufunguzi huo Watoto wa kike 204 wa shule hiyo walipatiwa chanjo hiyo.

Akizungumza kwenye kampeni hiyo Katibu Tawala wa Wilaya ya Songea ametoa rai kwa wazazi na walezi kuhakikisha wanawapeleka mabinti zao kupata  chanjo hiyo ambayo imethibitika kitaalamu kuwa haina madhara yeyote.