WAKULIMA Ruvuma washauriwa kutumia trekta dogo rafiki wa mkulima

Imewekwa kuanzia tarehe: August 8th, 2020

WAKULIMA mkoani Ruvuma wameshauri kutumia trekta dogo rafiki wa mkulima ambalo linatumia mafuta lita mbili kulima hekari moja  kwa dakika 30.

Ushauri huo umetolewa katika maonesho ya nanenane mkoa wa Ruvuma na Venance Komba Afisa Masoko wa Kampuni ya ATC AGRO  inayojishughulisha na  uuzaji wa matrekta madogo ambayo yanauzwa kwa gharama nafuu

Komba amesema trekta hilo dogo linarahisisha kilimo  na kwamba trekta hilo linapatikana kwa gharama nafuu na rahisi kwacsababu siyo watu wengi wana uwezo wa  kununua trekta kubwa ya milioni 60 .

 ‘’Trekta hili ndogo linatumia gharama kidogo na kutoa matokea makubwa ,linatumia mafuta lita 2 kwa hekari,service yake ni ndogo unamwaga oil lita 10 kwenye gia boksi, ni nafuu kwa matumizi  ya mkulima mdogo’’,alisisitiza.

Komba amesema kwa Mkoa wa Ruvuma na mikoa mingine ya kusini  trekta hilo linapatikana kwa gharama ya shilingi milioni 27 .

Afisa masoko amesema kampuni yao imeingia mkataba na Benki ya  CRDB na kwamba Matrekta hayo yanapatikana kwa Mkopo au kulipa fedha taslimu.

Maonesho ya Nane nane hufanyika  kila mwaka hapa nchini ambapo kaulimbiu ya mwaka huu ni. ’kwa maendeleo ya kilimo,mifugo na uvuvi chagua viongozi bora 2020’’,kaulimbiu hii imelenga kuwasisitiza wananchi wote  kushiriki katika uchaguzi Mkuu unaotarajia kufanyika Oktoba 2020.

Imeandikwa  NA Anet Ndonde

Ofisi ya Habari Mkoa wa Ruvuma

Agosti 8,2020