TAARIFA ya TRA Mkoa wa Ruvuma

Posted on: December 29th, 2022

MAMLAKA YA MAPATO TANZANIA (TRA) MKOA WA RUVUMA

TAARIFA YA UTENDAJI KAZI WA MAMLAKA YA MAPATO (TRA) MKOA WA    RUVUMA.

• UTANGULIZI:
• Kuwasilisha taarifa inayoelezea utendaji kazi wa Mamlaka ya Mapato (TRA) Mkoa wa Ruvuma kwa kipindi cha mwaka wa fedha 2021/2022 na kipindi cha JULAI mpaka NOVEMBA kwa mwaka wa fedha 2022/2023.
• MAKUSANYO JULAI 2021- JUNI  2022
• Mheshimiwa Mkuu wa Mkoa kwa kipindi cha mwaka wa fedha 2021/2022 tulikua na lengo la kukusanya TZS 19,553,627,572.74 tuliweza kukusanya TZS 19,850,805,877.61 sawa na asilimia 101.52%, mchanganuo wa lengo na makusanyo kwa kila mwezi ni kama ifuatavyo: -
•  
• Jedwali Na. 73. Lengo na Makusanyo ya Mapato 2021/2022

• MAKUSANYO JULAI 2022- NOVEMBA 2022

Kwa kipindi cha JULAI mpaka NOVEMBA kwa mwaka wa fedha 2022/2023 tulikua na lengo la kukusanya TSHS. 8,674,550,000/= tumefanikiwa kukusanya TSHS. 8,891,310,000/= sawa na asilimia 102.5%, mchanganuo wa lengo na makusanyo kwa kila mwezi ni kama ifuatavyo: -

• Jedwali Na. 74. Lengo na Makusanyo ya Mapato Julai 2022 – Novemba 2022

• 4  MIKAKATI NA MALENGO
•  
• Kuwatembelea walipakodi na kuwahimiza ulipaji wa malimbikizo ya madeni ya kodi wanazodaiwa;
• Kuendelea na zoezi (KAMATA WOTE) kwa dhumuni la kuwakamata wanunuzi wote ambao hawadai risiti kwa manunuzi mbalimbali watakayoyafanya na wauza bidhaa wote wasiotoa risiti;
• Kuhamasisha na kusimamia matumizi ya Stempu za kielektroniki kwa kutembelea maeneo ya mauzo ya vimiminika kuhakiki uhalali wa stempu maeneo hayo kama, Baa, Majumba ya Starehe, Maduka ya viywaji;
• Kutembelea maeneo mbalimbali kama, songea vijijini, songea wilayani ili kuongeza wigo wa walipakodi;
• Kusimamia ukaguzi wa bidhaa zote zinazoingia nchini, kwa kufuata utaratibu mujibu wa sheria za forodha na ushuru, ikiwa pamoja na kuthaminisha thamani ya mizigo hiyo;
• Kusimamia ubadilishaji umiliki wa vyombo vyote vya moto kutoka kwa wanufaika wa misamaha kwenda kwa wasio wanufaika wa misamaha;
• Kufanya doria katika sehemu mbalimbali ndani ya mkoa ili kudhibiti mianya yote ya bidhaa kuingizwa kwa njia ya magendo;
• Kutambua idadi ya majengo na mabango kwa kushirikiana na watendaji wa mitaa kwaajili ya utekelezaji wa kukusanya kodi za pango Pamoja na ushuru wa mabango;
• Kuwaleta karibu washikadau wa Mamlaka ya Mapato kama TCCIA na JWT, kuwakusanya wamiliki wa biashara ili wahudhurie semina stahiki za kodi.
•  
•  

“Pamoja Tunajenga Taifa Letu”