KAMATI za Usalama Ruvuma zapongezwa kwa kufanikisha ziara ya Rais

Imewekwa kuanzia tarehe: October 1st, 2024

KAMATI  za Usalama  (KU)  kutoka  Wilaya zote  Mkoani Ruvuma zimepongezwa kwa kufanikisha ziara ya Rais wa Jamhuri ya Muungano wa Tanzania mkoani Ruvuma iliyofanyika katika wilaya zote tano za Mkoa wa Ruvuma kuanzia Septemba 23 hadi 29 mwaka huu.

Pongezi hizo zimetolewa na Katibu Tawala wa Mkoa wa Ruvuma Mary Makondo kwa niaba ya Mkuu wa Mkoa wa Ruvuma Kanali Ahmed Abbas Ahmed wakati anazungumza na Kamati hizo mjini Songea  ambapo amesema Kamati hizo zimefanikisha ziara ya Mheshimiwa Rais Dkt.Samia Suluhu Hassan kufanyika kwa amani,usalama  utulivu.

Hata hivyo  ametoa rai kwa Kamati hizo kujiandaa na tukio kubwa la kitaifa la uchaguzi wa serikali za mitaa unaotarajia kufanyika Novemba 27 mwaka huu na kuwasisitiza kuendelea kuhamasisha maandalizi ya msimu mpya wa kilimo  sanjari na kusimamia miradi mbalimbali ya maendeleo inayotekelezwa katika wilaya zao