SERIKALI kujenga reli ya kimkakati kutoka Mtwara hadi Mbambabay

Imewekwa kuanzia tarehe: May 21st, 2023

Serikali ya Awamu ya Sita imedhamiria kujenga reli ya kimkakati kutoka Mtwara hadi Mbambabay Wilaya ya Nyasa mkoani Ruvuma ifikapo mwaka 2025/2026.

Wizara ya  Uchukuzi  kupitia Shirika la Reli Tanzania (TRC) inaangalia uwezekano wa kutekeleza mradi wa ujenzi wa reli kutoka Mtwara hadi Mbambabay na matawi yake ya  Liganga na Mchuchuma kwa mfumo wa ubia (PPP)

Aidha Wizara ya Fedha na Mipango ipo kwenye mchakato wa kurekebisha sheria ya PPP ili kurahisisha upatikanaji wa wawekezaji kwenye miradi ya kimkakati ikiwa ni pamoja na mradi wa kimkakati wa ujenzi wa reli  ya Mtwara hadi Mbambabay.