BAJETI ya Wizara ya Kilimo yafikia Trilioni 1.3-KIKWETE

Imewekwa kuanzia tarehe: August 9th, 2024

Waziri wa Nchi Ofisi ya Waziri Mkuu – Kazi, Vijana, Ajira na Wenye Ulemavu Mhe. Ridhiwani Kikwete amesema serikali inayoongozwa na Mhe. Rais Dkt. Samia Suluhu Hassan imedhamiria kukuza sekta za uzalishaji  ikiwemo Kilimo, Mifugo na uvuvi kwa lengo la kuzalisha kwa tija na kuongeza fursa za ajira katika sekta hiyo.

Amesema katika kutekeleza hilo, Serikali imeongeza bajeti ya sekta hiyo ambapo Wizara ya Kilimo bajeti imeongezeka kutoka Bilioni 294 kwa mwaka wa fedha 2021/2022 hadi Trilioni 1.3 mwaka wa fedha 2024/2025.

Mhe. Kikwete  alimwakilisha Waziri Mkuu Mheshimiwa Kassim Majaliwa kwenye kilele cha maadhimisho ya Sikukuu ya wakulima nanenane  Nyanda za Juu Kusini  Jijini Mbeya katika Viwanja vya John Mwakangale 

Awali akizungumza Naibu Waziri wa Mifugo na Uvuvi Mhe. Alexander Mnnyeti amesema Wizara ya Mifugo kwa kushirikiana na sekta binafsi inaendelea kutekeleza programu ya mafunzo atamizi ya uvuvi na ukuzaji viumbe maji kwa vijana ili waweze kujiajiri.