BARABARA ya Mbinga Mbambabay yakamilika asilimia 100

Imewekwa kuanzia tarehe: June 2nd, 2022

MRADI wa Barabara  ya Mbinga Mbambabay yenye urefu wa kilomita 66 umekamilika kwa asilimia 100 na kugharimu kiasi cha shilingi bilioni 129.

Akizungumza Mhandisi wa Wakala wa Barabara Tanrod Justin Mlope  Mkoa wa Ruvuma amesema mradi huo umefanyika kwa mda wa miezi 33  kuanzia Aprili 3,2018 hadi Januari  2,2021 na kukamilika kwa wakati.

Mrope amesema  kupitia mradi huo  mara baada ya kukamilika kipindi cha matazamio kilianza Januari 2,2021 na hadi kufikia sasa kimeisha na barabara imeanza kutumika.

“Gharama za mradi ilikuwa shilingi bilioni 129 kupitia ufadhili wa Benki ya maendele ya Afrika na Mfuko wa Maendeleo wa  Afrika “.

Amesema mradi huo umejumuisha na ujenzi wa sehemu maegesho ya maroli katika Wilaya ya Nyasa katika Bandari ya Mbambabay kwaajili ya kubeba mizigo na kupeleka Bandari ya Mtwara.

Imeandaliwa na Aneth Ndonde

Kutoka Kitengo cha Habari Serikalini Ofisi ya Mkuu wa Mkoa wa Ruvuma

Juni 1,2022