Bodi ya Maji ya Bonde la Ruvuma na Pwani ya Kusini imepokea Pikipiki kumi

Imewekwa kuanzia tarehe: December 2nd, 2020

 BODI ya Maji Bonde la Ruvuma na Pwani ya Kusini imepokea Pikipiki 10 kutoka Wizara ya Maji na kugawa kwa Jumuiya za watumia Maji.

Akizungumza wakati wa Makabidhiano ya Pikipiki hizo mara  baada ya Kikao cha uzinduzi wa Jukwaa la wadau wa usimamizi na uendelezaji wa Rasilimali za Maji kilichofanyika Veta Manispaa ya Songea Mwenyekiti wa Bodi ya Bonde la Ruvuma na Pwani ya Kusini Cosmas Masawe amesema pikipiki hizo  kwaajili ya utendaji wa kutembelea vyanzo vya Maji na kuhakikisha vinakuwa salama.

Masawe akimkabidhi pikipiki Mwenyekiti  wa Jumuiya ya Watumia Maji ya Mto Lumeme  Kaskazini John Nzuyu  amesema kila aliyekabidhiwa kifaa cha usafiri ahakikishe anakitumia na kukitunza vizuri ili yasitokee makosa kwenye vyanzo vya Maji.

Mkurugenzi wa Bodi ya Maji Bonde la Ruvuma na Pwani ya Kusini  Sudi Mpemba  amesema lengo la kupata pikipiki kutoka Wizara ya Maji  ni kuirahisishia Jumuiya za watumia Maji kufuatilia vyanzo vya Maji kwa urahisi na kuhakikisha haviharibiwi na vinakuwa salama kwaajili ya matumizi endelevu.

“Tumefanya jambo kubwa sana kuhakikisha Rasilimali za Maji zinalindwa kwa zoezi ambalo amelifanya Mwenyekiti wetu wa Bodi ya Maji  Bonde la Ruvuma na Pwani ya Kusini kugawa kifaa cha utendaji cha usafiri wa kusimamia Rasilimali za Maji “.

Mpemba amesema wamepokea pikipiki kutoka Wizara ya Maji kwaajili ya Jumuiya ya Watumia Maji kwa Mabonde yote,ikiwa Bonde la Ruvuma na Pwani ya kusini imepata pikipiki 10 na saba imegawiwa kwa Jumuiya  na 3 zimegawiwa kwa ofisi ndogo za Mabonde zilizopo Lindi,Tunduru na Songea.

Imeandaliwa na Aneth Ndonde

Afisa Habari Halmashauri ya Madaba

Desemba 2,2020.