DARAJA la Muhuwesi lipo salama-TANROADS

Imewekwa kuanzia tarehe: March 4th, 2024

WAKALA wa Barabara nchini(TANROADS)mkoa wa Ruvuma,imewatoa hofu watumiaji wa barabara kuu ya Songea-Mangaka kwamba daraja la mto Muhuwesi wilayani Tunduru ambalo lilipata athari ya moja ya sehemu yake kusogea pembeni kwa sasa liko salama.

Hayo yamesemwa  na Meneja wa TANROADS mkoani hapa Mhandisi Saleh Juma, baada ya kukagua kazi ya marekebisho ya daraja hilo  linalounganisha mkoa wa Ruvuma na mikoa jirani ya Lindi,Mtwara Pwani na Dar es slaam.

Amesema ,TANROADS kwa kumtumia mkandarasi imefanya kazi ya kurudisha sehemu ya kipande kilichotoka sehemu yake na hata maji yalivyopita juu kwa mara ya pili hayakuathiri  miundombinu ya daraja hilo muhimu kwa uchumi wa mikoa ya kusini na nchi kwa ujumla.

Msimamizi wa kitengo cha matengenezo TANROADS mkoa wa Ruvuma Mhandisi Roman Mbukwini amesema ,kwa sasa  kazi inayofanyika ni kuimarisha baadhi ya sehemu ya barabara ambazo zimeathirika na maji kutokana na mvua zinazoendelea kunyesha kwa wingi wilayani Tunduru .