DC NAMTUMBO awapongeza wakulima kwa kuongeza uzalishaji

Imewekwa kuanzia tarehe: February 9th, 2024

Mkuu wa Wilaya ya Namtumbo mkoani Ruvuma Mheshimiwa Ngollo Malenya  amewapongeza wakulima kwa kuongeza uzalishaji wa mazao ya chakula na biashara.

Amesema katika wilaya ya Namtumbo Kwa msimu wa 2022/2023   Wakulima Walilima hekta 42,354 zilizozalisha tani 152,995 za mahindi.

Ameongeza kuwa katika msimu wa mwaka 2023/2024  Wakulima wilayani humo wamezalisha hekta 50,536 zinazotarajia kuzalisha tani 182,550 za mahindi.

Mkuu wa wilaya ya Namtumbo ili kuwatia moyo wakulima amefanya ziara ya siku Moja kutembelea mashamba ya wakulima na kuzungumza nao wakiwa katika mashamba  yao.

Juma Zuberi ni Mkulima wa kijiji cha Namabengo  amesema mafanikio ya wakulima yametokana na upatikanaji wa pembejeo hasa mbolea ya ruzuku 

Mkoa wa Ruvuma umekuwa ghala la Taifa la chakula kwa kuongoza katika uzalishaji wa mazao ya nafaka nchini.