DC SONGEA awashukuru wananchi ushirkiano kwenye maafa

Imewekwa kuanzia tarehe: January 19th, 2025

Mkuu wa Wilaya ya Songea, Mheshimiwa Kapenjama Ndile, amewashukuru wananchi na wadau mbalimbali kwa kushirikiana katika kuwasaidia waathirika wa maafa yaliyosababisha uharibifu mkubwa wa nyumba na chakula.

Mheshimiwa Ndile alisema kuwa jumla ya nyumba 1,155 ziliharibika kutokana na mvua kubwa zilizonyesha hivi karibuni.

Katika tathmini ya uharibifu, nyumba 16 zimeharibiwa katika kijiji cha Madaba, nyumba 7 katika Halmashauri ya Wilaya ya Songea, na nyumba 133 katika Manispaa ya Songea. Aidha, Mheshimiwa Ndile alieleza kuwa hali hiyo imesababisha hasara kubwa kwa familia nyingi, huku baadhi ya nyumba zikishindwa kuhimili mvua kali.

Mkuu wa Wilaya amesisitiza umuhimu wa ushirikiano katika kusaidia waathirika wa maafa hayo, akisema kuwa msaada kutoka kwa wananchi na wadau umefanikisha mchakato wa kurejesha hali ya kawaida kwa baadhi ya familia zilizoharibiwa nyumba zao.      Hata hivyo, ametoa wito kwa serikali na mashirika ya kutoa misaada kuongeza juhudi ili kuharakisha mchakato wa ujenzi wa nyumba na usambazaji wa chakula kwa familia zilizoathirika.  

Baadhi ya wadau wametoa michango mbalimbali ili kuwasaidia waathiriwa  ikiwemo unga kilo 2120, Maharage kilo 200, chumvi, sabun, mafuta na mchele kilo 380,tulubai na kiasi cha fedha  shilingi   4,000,000.