DED NAMTUMBO aunda timu ya ufuatiliaji wa miradi

Imewekwa kuanzia tarehe: August 28th, 2024

Mkurugenzi Mtendaji wa Halmashauri ya Wilaya ya Namtumbo mkoani Ruvuma  Philemon Magesa ameunda timu itakayohusika na Ufuatiliaji na kufanya tathmini ya miradi mbalimbali  kabla  ya Kufanya Malipo kwa Mkandarasi, Fundi au Mzabuni.

Akizungumza  Katika kikao kazi na  watendaji kutoka katika  kata 21 za Halmashauri ya Wilaya ya Namtumbo kilichofanyika mjini Namtumbo,Magesa amewataka watendaji kata Kuwa makini katika usimamiaji na ufuatiliaji  wa miradi  katika kata zao.

Amesema uwepo wa timu hiyo itasaidia kufanya Malipo kwa Mkandarasi, Fundi au Mzabuni aliye kidhi vigezo vya mahitaji  ya Halmashauri hiyo na kwamba timu itahakikisha miradi inatekelezwa kwa viwango.

Amesema timu hiyo pia  itaangalia vifaa na mahitaji yanayonunuliwa kama yapo katika mpango wa mradi huo  ili Mkandarasi, Fundi au Mzabuni aweze kulipwa Stahiki kihalali.