HALMASHAURI ya Mbinga yakusanya mapato ya shilingi bilioni 7.76

Imewekwa kuanzia tarehe: August 28th, 2024

Halmashauri ya Wilaya ya Mbinga mkoani Ruvuma imevuka lengo katika ukusanyaji wa mapato  kwa kukusanya Zaidi ya shilingi bilioni 7.76 kutoka katika vyanzo  mbalimbali vya mapato ya ndani katika mwaka wa fedha wa 2023/2024.

Hayo yamebainishwa na  Mkuu wa Kitengo cha Fedha na Uhasibu CPA. Samwel Marwa katika kikao maalum cha Baraza la Madiwani kujadili taarifa za hesabu za Halmashauri kilichofanyika katika Halmashauri hiyo.

Amesema, katika mwaka huo wa fedha Halmashauri  hiyo iliidhinishiwa kukusanya  shilingi  6,300,000,000  ambapo hadi kufikia Februari kiasi cha shilingi 5,050,776,560.11 kilikusanywa  sawa na  asilimia 80 ya makusanyo.