JUKJWAA la wanawake litakavyosaidia kukuza biashara za wajasiriamali

Imewekwa kuanzia tarehe: August 21st, 2023

AFISA Maendeleo ya Jamii Halmashauri ya Wilaya ya  Madaba Anitha Makota amezungumza na wanawake wa jasiriamali wadogo wadogo juu ya uundwaji wa jukwaa la wananwake.

Hayo amezungumza katika Kijiji cha Madaba Kata ya Mahanje amesema jukwaa la wanawake liliundwa kwa lengo la kuwawezesha wajasiriamali wadowadogo kwa  kuwapatia fursa ya kujipatia mitaji,masoko pamoja na ushirikiano na Wajasiriamali wengine kutoka sehemu mbalimbali.

“Jukwaa hilo lilianzishwa na Rais Samia akiwa Makamu wa Rais mwaka 20216 alizindua Mkoa wa Dar es Salam Mlimani city na kutoa maagizo ifikapo 2017 Mikoa,Halmashauri,Kata,Mitaa pamoja na vijiji Majukwaa yawe yameundwa”.

Afisa Maendeleo amesema jukwaa la wanawake ni chombo kikubwa kinachowapelekea  kukutana na wajasiriamali mbalimbali kutoka Mikoa mingine na Halmashauri tofauti kwa lengo la kujifunza kutoka hatua moja kwenda hatua nyingine.

Hata hivyo amesema jukwaa hilo liliundwa kwa kuwasaidia wanawake kupaza sauti zao mwanzo hawakuwa na sauti ya kuzungumza .

“Nimesikia hapa kuna mama lishe ifike mahali mamalishe ajipatie  vyombo vya kisasa hata ikifika wakati wajisikie vizuri kupata huduma katika genge lako”.

Makota amesema lengo lingine lilikuwa maswala ya kujipatia masoko kupitia biashara  ndogondogo pamoja na kujipatia elimu ili kuwasaidia wajasirimali kuuza biashara zao ndani na nje.

“Lengo letu ni kuwakutanisha pamoja na wajasiriamali wengine kutoka Wilaya hadi Mikoa mingine kwa kujifunza jinsi gani wao wamefanikiwa”.