MAANDALIZI kuelekea kumbukizi ya mashujaa wa vita ya Majimaji 2025

Imewekwa kuanzia tarehe: February 15th, 2025

Maandalizi ya mdahalo kuelekea maadhimisho ya kumbukizi ya mashujaa wa Vita ya  Majimaji yanaendelea kwa kasi wilayani Namtumbo mkoani Ruvuma.

Kikao hicho, kilichoongozwa na Kaimu Afisa Utamaduni wa Wilaya ya Namtumbo, Ndg. Shaibu Majiwa, kimehusisha pia viongozi wa kimila na desturi wa wilaya hiyo.

Lengo kuu la kikao hicho ni  kujadili na kuweka mkakati wa namna bora ya kuendesha mdahalo huo, ambao unatarajiwa kuwa sehemu muhimu ya maadhimisho ya sherehe za Mashujaa wa Vita ya  Majimaji.

Kwa mujibu wa ratiba, maadhimisho ya kumbukizi ya mashujaa wa Vita ya  Majimaji kwa mwaka 2025 yanatarajiwa kufanyika tarehe 25  hadi 27  katika ngazi ya mkoa  wilayani Namtumbo.

Mdahalo huo unalenga kuelimisha jamii kuhusu historia, madhara, na umuhimu wa Vita vya Majimaji, sambamba na kuwaheshimu mashujaa waliopigania uhuru dhidi ya utawala wa kikoloni wa Kijerumani.