MBINGA Mji yapokea milioni 419 za mradi wa BOOST

Imewekwa kuanzia tarehe: August 3rd, 2024

Wananchi wa Halmashauri ya Mji wa Mbinga mkoani Ruvuma wametakiwa kushiriki ipasavyo katika utekelezaji wa miradi ya BOOST yenye thamani ya  zaidi ya shilingi milioni 419.

Serikali kupitia mradi wa uboreshaji elimu ya awali na msingi (BOOST), imeipatia Mji Mbinga kiasi hicho cha fedha kwaajili ya ujenzi wa madarasa 15 na matundu 30 ya vyoo katika shule za msingi Beruma, Masumuni, Nazareth, Changarawe na Luhangai.

Afisa Elimu Takwimu, Idara ya Elimu ya Awali na Msingi, Halmashauri ya Mji Mbinga, amesema kuwa nguvu za wananchi zitaokoa fedha ambazo zingetumika kuajiri vibarua.

“Serikali ya awamu ya sita inayoongozwa na Mhe. Rais Dkt. Samia Suluhu Hassan imetupatia pesa, shukrani yetu ni kwa sisi kushiriki kikamilifu katika utekelezaji wa miradi,” alisema Bw. Mwihava.