MBUNGE wa Namtumbo akabidhi shule saruji mifuko 30 na madawati 40

Imewekwa kuanzia tarehe: October 20th, 2023

Mbunge wa Jimbo la Namtumbo Mkoani Ruvuma  Mheshimiwa Vitta Rashid Kawawa amekabidhi mifuko ya simenti 40 na madawati 30 katika shule ya msingi Upendo .

Akikabidhi mifuko hiyo pamoja na madawati Kawawa alisema anatimiza ahadi yake aliyohaidi katika ziara yake ya tarehe 16.9.2023 alipotembelea Kijiji Cha Mputa na wananchi kumwomba msaada wa kuisaidia shule ya  msingi upendo

Aidha Kawawa aliwashukuru wananchi wa Kijiji Cha Mputa Kwa ushirikiano wao wa kujenga shule  ya msingi Upendo lakini akadai Ofisi ya Mbunge itahakikisha shule hiyo inapata fedha kama shule zingine .

Hata hivyo Kawawa alimwagiza Afisa elimu vifaa na takwimu aliyemwakilisha afisa elimu msingi katika makabidhiano hayo kuwa ofisi ya elimu msingi inatakiwa kutenga bajeti ya kujenga madarasa ,Nyumba za walimu na vyoo Kwa ajili ya shule hiyo

Afisa Elimu Vifaa na Takwimu Lulu Mapunda alimshukuru Mbunge wa Jimbo la Namtumbo  Kwa kuisaidia shule hiyo madawati 30 na mifuko ya simenti mifuko 40 Ili kuisaidia shule hiyo kuboresha miundombinu yake.