MFUMO wa stakabadhi ghalani wawaingizia wakulima Tunduru bilioni kumi

Imewekwa kuanzia tarehe: October 1st, 2023

Wakulima wa Mbaazi wilaya ya Tunduru  mkoani Ruvuma wameingiza zaidi ya bilioni 10 katika mauzo ya zao la Mbaazi kwa njia ya mfumo Stakabadhi ghalani, baada ya kufanyika kwa minada mitano ya zao hilo kwa msimu wa 2023/2024.

 Meneja mkuu wa Chama Kikuu cha Ushirika Tunduru Ndg .Imani Kalembo, amesema kwa msimu huu wa mauzo ya zao la Mbaazi  Chama Kikuu kimefanya minada mitano, ambapo  tani zisizopungua 5,000 zimeuzwa na kuingiza zaidi ya shilingi bilioni 10 .

Meneja Kalembo  amesema matarajio ya Chama Kikuu  cha Ushirika Tunduru ni kukusanya zaidi ya tani 8,000 kwa msimu ujao wa zao la mbaazi, kutokana na mikakati iliyowekwa na kuahidi kuzalisha mazao yaliyo bora  ya Stakabadhi ghalani ikiwemo Ufuta, Mbaazi  na Korosho