Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

MKURUGENZI Mbinga ahimiza kasi ya ukusanyaji mapato

Imewekwa kuanzia tarehe: April 1st, 2024

Mkurugenzi Mtendaji wa Halmashauri ya Wilaya ya Mbinga mkoani Ruvuma Joseph Rwiza amewataka waganga wafawidhi wa vituo vya kutolea huduma za afya kutekeleza majukumu yao ya kuwahudumia wananchi sambamba na kusimamia ukusanyaji wa mapato katika maeneo yao.

Rwiza ametoa agizo hilo katika kikao chake na timu ya uendeshaji wa huduma za afya pamoja na waganga wafawidhi wa vituo vya kutolea huduma za afya Halmashauri ya Wilaya ya Mbinga.