MRADI Mkubwa wa maji Mbinga umewekwa Jiwe la Msingi na Kiongozi wa Mbio za Mwenge wa Uhuru

Imewekwa kuanzia tarehe: September 4th, 2021

KIONGOZI wa Mbio maalumu za Mwenge wa Uhuru Lt Josephine Mwambashi  ameweka jiwe la Msingi katika ujenzi wa Hospitali ya Halmashauri ya Mbinga Vijijini na Mradi wa Maji  wa maboresho ya Huduma ya Maji Mbinga Mjini.

Akitoa taarifa hiyo kabla ya kuweka Jiwe la msingi Dr. Louis Chomboko  amesema Serikali imeleta kiasi cha shiringi milioni miatano kwaajili ya ujenzi wa majengo matatu ya awali likiwemo jengo la wagonjwa wan je(OPD)jengo la maabara na kichomeo Taka.

Dr. Chomboko ameelezea lengo la ujenzi wa Hospitali hiyo  ni kuboresha  huduma za afya ya jamii ikiwemo wakazi 300,000 kutoka Kata za Halmashauri hiyo pamoja na maeneo ya Karibu kama Songea, Shughuli za ujenzi zilianza Juni 1,2021 na kutarajia kukamilika Septemba 30,2021 .M

“Hadi kufikia hatua hii  kiasi cha zaidi ya shilingi  milioni miatatu zimetumika  na Fedha ya serikali imetumika kiasi cha zaidi ya shilingi milioni miambili themanini kwaajili ya ununuzi wa vifaa mbalimbali vya ujenzi”.

Kwa upande wake Meneja ufundi  mamlaka ya maji safi na usafi wa mazingira Songea  Jafari Yahaya amesema walipokea maelekezo kutoka Wizara ya Maji ya utekelezaji wa mradi wa maboresho ya huduma ya maji  Mbinga Mjini .

Yahaya ameelezea lengo la mradi huo ni kusogeza Huduma ya maji karibu na  wananchi na kuwapunguzia umbali mrefu wa kutafuta maji ili waweze kushiriki katika shughuli za maendeleo  na kutekeleza kauli mbiu  ya “kumtua mama ndoo kichwani”.

Amesema Mradi huo umegharimu kiasi cha zaidi ya  shilingi  bilioni moja ambapo Wizara ya Fedha imetoa zaidi ya shilingi milioni miatano ili kutekeleza mradi huo , na kufikia asilimia 75 hadi sasa na kuhudumia wakazi wa Mbinga wapatao 12,000.

Kiongozi wa mbio za Mwenge Lt Mwambasi  kabla ya kuweka jiwe la msingi alibaini wananchi hawakushirikishwa juu ya ujenzi  wa mradi huo  hivyo ameagiza uongozi wa Wilaya kutoa taarifa kwa wananchi kupitia vikao vya kisheria.

https://www.youtube.com/watch?v=Ca16mT-cX2s

Imeandaliwa na Aneth Ndonde

Kutoka ofisi ya Habari Mkoa wa Ruvuma

Septemba 4,2021