MTEJA atakayelipa nusu ya gharama kuunganishiwa maji na SOUWASA

Imewekwa kuanzia tarehe: March 17th, 2023

KUELEKEA maadhimisho ya wiki maji inayoanzia Machi 16 hadi 22 mwaka huu ,Mamlaka ya Maji Safi na Usafi wa Mazingira Songea (SOUWASA)  imesema kwa wateja wa muunganisho mpya,mteja atatakiwa kulipa nusu ya gharama kisha ataunganishwa na huduma ya maji safi.

Mkurugenzi Mtendaji wa SOUWASA Mhandisi Patrick Kibasa amebainsha kuwa deni ambalo litabaki baada ya mteja kuunganishiwa huduma ya maji,litalipwa baada ya makubaliano kati ya mteja na SOUWASA.

Hata hivyo amesema kuanzia Machi 16 hadi Aprili 16 mwaka huu SOUWASA imeondoa  gharama za urejeshaji wa huduma ya maji kwa wateja waliositishiwa huduma hiyo.

Kaulimbiu ya wiki ya maji mwaka huu ni kuongeza kasi ya mabadiliko katika sekta ya maji kwa maendeleo ya uchumi endelevu