MWENGE wa Uhuru wabisha hodi Namtumbo

Imewekwa kuanzia tarehe: June 9th, 2024

MWENGE WA UHURU WABISHA HODI NAMTUMBO

Mkuu wa Wilaya ya Namtumbo Mheshimiwa Ngolo Malenya amesema kuwa Mwenge wa Uhuru unaokimbizwa katika Wilaya hiyo utakagua,utaweka mawe ya msingi na kuzindua miradi  kumi ya maendeleo yenye thamani ya sh. Bilioni 2.5

Akizungumza wakati wa makabidhiano ya Mwenge wa Uhuru kutoka Wilaya ya  Tunduru alisema kuwa mwenge huo ukiwa Wilayani Namtumbo  utaweka jiwe la msingi kwenye mradi wa barabara ,Mradi wa kituo cha mafuta,mradi wa bweni Veta, ugawaji wa vifaa kwa watu wenye mahitaji maalumu.

Ameitaja miradi mingine  kukagua shughuli za lishe, kuzindua klabu ya kupinga Rushwa, kutembelea mradi wa uhifadhi wa mazingira Luegu, pamoja na kuzindua kisima kilichoboreshwa Kijiji Ruvuma.