MWENYEKITI Halmashauri ya Mji Mbinga awataka machifu kuendeleza umoja na mshikamano

Imewekwa kuanzia tarehe: August 20th, 2024

Mwenyekiti wa Halmashauri ya Mji wa Mbinga mkoani Ruvuma Mheshimiwa Kelvin Mapunda amewataka machifu wa Wilaya ya Mbinga kuendeleza umoja na mshikamano na kulinda maadili kwa vijana.

Mapunda ametoa wito huo  wakati anazungumza na  na machifu wa Wilaya ya Mbinga ofisi kwake mjini Mbinga.

“Tutandaa utaratibu mzuri ndani ya Halmashauri ili tuone namna ya kuwaalika kwenye vikao vyetu vya Baraza ili kuwezesha kujenga maadili ya mtanzania kulingana na mil ana desturi zetu," alisisitiza Mapunda.

Ameongeza kuwa kutoa elimu mara kwa mara kupitia Baraza la madiwani kutasaidia  kuleta muunganiko wa pamoja hasa pale baadhi ya mambo yanapohitaji busara za wazee.

Kwa upande wake Mkurugenzi wa Halmashauri ya Mji wa Mbinga Bi. Amina Seif amewashukuru wazee hao na kuwaomba wazidishe ushirikiano na Halmashauri hiyo kwa maslahi ya kizazi cha sasa na kijacho.