RC MNDEME azindua mradi wa maji wa milioni 131 Tunduru

Imewekwa kuanzia tarehe: January 4th, 2021

MKUU wa Mkoa wa Ruvuma Christina Mndeme amezindua Mradi mkubwa Wa Maji Katika Kijiji cha mkowela kata ya namakambale, Mradi Huo umejengwa kwa fedha za ndani zilizotolewa na serikali kuu kupitia RUWASA, Akizindua mradi huo Mkuu wa mkoa amewataka wananchi kuutunza ili uendelee kuleta manufaa endelevu, aidha amewapongeza viongozi na wafanyakazi wa RUWASA kwa kusimamia kiuadilifu fedha za mradi huo ambao ulitengewa T.sh 160 milioni, na wao wameweza kukamilisha mradi huo kwa T.sh 131 milioni tu! Na kubakiwa na Milioni 29.

Pia mkuu wa mkoa amewapongeza wanachi hao kwa kuendelea kuwa na imani na chama cha mapinduzi kwa kupigia kura kwenye uchaguzi mkuu wa mwaka jana, kwani mradi huo ni matunda ya utekelezaji wa ilani ya CCM.

Akitoa shukrani kwa serikali diwani wa kata ya nambakambale Mhe.Wadali, ameahidi kushirikiana na wananchi hao katika miradi mingine kwenye kata yake

Habari imeandikwa na Mkuu wa Wilaya ya Tunduru Julius Mtatiro