ROBO TATU ya wilaya ya Namtumbo ni hifadhi

Imewekwa kuanzia tarehe: April 14th, 2023

UTAFITI  umebaini kuwa robo tatu ya wilaya ya Namtumbo mkoani Ruvuma  ni hifadhi ikiwemo eneo la pori la Akiba la Selous (Hifadhi ya Taifa ya Nyerere) na kwamba katika shoroba inayounganisha Selous na Niassa nchini Msumbiji kuna hifadhi tatu ndani ya Wilaya ya Namtumbo ambazo ni Mbarang’andu, Kisungule na Kimbanda.

Wilaya ya Namtumbo inahusika katika mradi mkubwa wa umeme wa Rufiji ulioanza kutekelezwa na serikali ya Awamu ya Tano na kuendelezwa na  serikali ya Awamu ya sita inayoongozwa na Rais Samia Suluhu Hassan kwa sababu Mto Luegu unaonzia Wilaya ya Namtumbo unachangia asilimia 19  ya maji katika Mto Rufiji.Wilaya hiyo ina kazi kubwa ya kulinda vyanzo vya maji vya mto huo ili mradi wa umeme  Rufiji uwe endelevu