SERIKALI yatoa vifaa kwa wanafunzi wenye ulemavu Songea

Imewekwa kuanzia tarehe: August 25th, 2023

SERIKALI kupitia ofisi ya Mkurugenzi wa Halmashauri ya Wilaya ya Songea imetoa msaada wa vifaa mbalimbali kwa wanafunzi wenye mahitaji maalumu ikiwemo baiskeli na fimbo kwa ajili ya kuwasaidia wanafunzi wenye uhitaji kutimiza ndoto zao.

Wanafunzi hao ni Jackson Ndunguru darasa la saba kutoka shule ya msingi Lipaya, Ezekiel Mhagama darasa la tatu kutoka shule ya msingi    Mbinga Mhalule na Boniface Ndomba darasa la awali kutoka shule ya Msingi Masangu.

Wakizungumza kwa nyakati tofauti wanafunzi hao wamemshukuru Mheshimiwa Rais Dkt. Samia Suluhu Hassan na Mbunge wa Jimbo la Peramiho Mheshimiwa Jenista Joakim Mhagama kwa kuwasaidia vifaa hivyo ambavyo vitawarahisishia kufika shuleni kwa wakati na kuwahi masomo.