TAKUKURU yatoa taarifa ya mienzi mitatu ya utekelezaji

Imewekwa kuanzia tarehe: November 29th, 2022

Taasisi ya Kuzuia na Kupambana na Rushwa (TAKUKURU) Mkoa wa Ruvuma imetoa taarifa kuhusu utendaji kazi wake wa mienzi mitatu kuanzia Julai hadi Septemba

Akizungumza na waandishi wa habari  mapema hii leo Novemba 29, 2022 Naibu Mkuu wa TAKUKURU Mkoa wa Ruvuma Bi Janeth Haule katika ofisi yao iliyopo mtaa wa mahenge Halmashauri ya Manispaa ya Songea mkoani Ruvuma

Amesema TAKUKURU katika kipindi cha mienzi mitatu iliendelea  kutekeleza majukumu yake kufanya uchunguzi wa makosa ya rushwa na kuwafikisha mahakamani wale waliobainika na kujihusisha na vitendo vya rushwa katika mifumo ya taasisi za umma na sekta binafsi

Amesema kwa kipindi cha mienzi mitatu taasisi hiyo imefuatilia utekelezaji wa miradi ya maendeleo yenye thamani ya Zaidi ya shilingi bilioni 6.3 na ufuatiliaji huo imefanyika katika Wilaya ya Songea, Mbinga na Tunduru

Pia ameeleza kuwa TAKUKURU katika ufuataliaji imebaini ujenzi wa maradi wa Barabara Manispaa ya Songea pamoja na Halmshauri ya Wilaya ya Mbinga wenye thamani ya shilingi bilioni 5.7 kukusekana kwa vivuko vya watumiaji barabara katika maeneo ya wazi

Amesema ujenzi wa nyumba za watumishi  Wilaya ya Nyasa zenye thamani ya shilingi milioni 90 wamebaini kuwepo na kasi ndogo ya kuleta matofali kutoka kwa mtu aliyepewa wa Nyasa pamoja na Wilaya ya Tunduru kwenye mradi wa ujenzi wa shule mpya ya sekondari Wilaya wenye thamani ya shilingi milioni 470 wamebaini mafundi walikuwa wameanza kufanya kazi bila kusaini mikataba yao ya kazi

Hata hivyo TAKUKURU Mkoa wa Ruvuma amefanikiwa kufanya kazi mbili za uchambuzi za usimamizi wa miradi ya maendeleo inayotekelezwa katika idara ya elimu  misingi wa sekondari katika manispaa ya Songea

Amesema wajumbe wakamati za ujenzi , manunuzi na mapokezi kupangwa katika kamati Zaidi ya moja pia upandishaji wa bei ya vifaa vya ujenzi unaofanywa na wajumbe wa kamati na baadhi wa wazabuni wasio kuwa waadilifu pia vifaa vya ujenzi kupokelewa bila kukaguliwa na Mhandisi

Pia uchambuzi wa mfumo wa ukusanyaji  yatokanayo na ushuru wa makaa ya mawe katika Wilaya ya Mbinga wamebaini  yapo magari ambayo yamewai kupita bila kulipa ushuru yakafukuziwa yakalipa ushuru pasipo kutozwa kodi

Amesema TAKUKURU Mkoa wa Ruvuma katika kipindi cha mienzi mitatu ijayo kuanzia mwezi Oktoba hadi Desemba wamejipanga kuelimisha wananchi juu ya rushwa na madhara yake katika usimamizi wa miradi ya maendeleo lengo kuwawezesha kupata uelewa na kuweza kusimamia utekelezaji wa miradi ya maendeleo kwa karibu na weledi wa hali ya juu

Amewasisitiza wananchi waendelee kushirikiana na TAKUKURU kwa kutoa taarifa za vitendo vya rushwa pia nao kama TAKUKURU wataendelea  na zoezi la kutembelea wananchi katika maeneo yao kwa lengo la kusikiliza kero za rushwa