UTALII wa uwindaji katika Jumuiya ya Mbarang'andu Ruvuma,unavyovutia watalii wa nje

Imewekwa kuanzia tarehe: February 25th, 2020

UTALII wa uwindaji  unaofanyika katika Jumuiya ya  Hifadhi ya wanyamapori ya Mbarang'andu wilayani Namtumbio mkoani Ruvuma imekuwa kivutio kikubwa cha watalii kutoka nchi za Ulaya na Marekani ambao wanatembelea jumuiya hiyo yenye vijiji saba na kufanya aina hiyo ya utalii ambayo inahusisha moja kwa moja matumizi ya wannyamapori.Jumuiya hiyo inahusisha vijiji saba ambavyo ni Mchomolo,Kitanda,Likuyuseka Maganga,Kilmasela,Nambecha,Songambele  na Mtelemwahi.

Afrikanus Challe ni Afisa Maliasili na Utalii wa Mkoa wa Ruvuma ambaye anasema utalii wa uwindaji ambao umekuwa unafanyika katika mapori ya akiba yaliyopo sehemu mbalimbali nchini na kwamba aina hiyo ya utalii inakwenda sanjari na utalii wa picha ambao ni utalii wa kutazama mandhari na kupiga picha bila kuhusisha uwindaji wa wanyama na kwamba utalii wa picha pia husisha matumizi ya moja kwa moja ya wanyamapori.