VIONGOZI wa serikali na Chama Tawala wakagua miradi Nyasa

Imewekwa kuanzia tarehe: December 19th, 2024

Viongozi wa Serikali na Chama Tawala CCM wamefanya ziara ya kukagua miradi mbalimbali ya maendeleo katika Halmashauri ya Wilaya ya Nyasa mkoani Ruvuma

Lengo la Ziara hii ni kuona namna miradi ya maendeleo inavyotekelezwa na kutatua Kero mbalimbali  za Wananchi .

Akizungumza mara baada ya kutembelea miradi hiyo Mwenyekiti wa CCM Wilaya ya Nyasa Komred Abel Komba ameridhishwa na utekelezaji wa Miradi ya Zahanati ya Nkaya, madarasa ya Shule ya msingi Ndumbi, Barabara ya Liweta hadi Mpopoma na Mradi wa Maji wa Ngumbo unaokwenda kutatua Kero ya Wananchi wa vijiji  sita  vilivyopo katika kata za  Ngumbo na Liwundi.

Akizungumza  katika Mradi wa shule ya Sekondari Mkali,Komba amewataka Wananchi na viongozi kuhakikisha wanaongeza Kasi ya utekelezaji wa Mradi huo ili uanze kuwahudumia wananchi.

Amemshukuru na kumpongeza Rais Dkt Samia Suluhu Hassan Kwa kupeleka fedha nyingi zinazotekeleza Miradi mbalimbali  katika wilaya ya Nyasa.

Amempongeza Mkuu wa Wilaya ya Nyasa Mhe. Peres Magiri na Mkurugenzi Mtendaji  wa Halmashauri ya Nyasa Khalid Khalif kwa kusimamia vema utekelezaji wa miradi.