WANAFUNZI zaidi ya 76,000 Songea kupewa dawa za minyoo na kichocho

Imewekwa kuanzia tarehe: January 23rd, 2025

Wanafunzi 76,962 kutoka shule 102 katika Manispaa ya Songea, mkoani Ruvuma, wanatarajiwa kupatiwa dawa za kinga dhidi ya magonjwa ya minyoo ya tumbo na kichocho.

Zoezi hilo linafanyika kwa siku mbili, kuanzia tarehe Januari 23 hadi 24 2025, likiwalenga watoto wenye umri wa miaka  mitano hadi 14.

Akizungumza kuhusu zoezi hilo, Mratibu wa Magonjwa Yaliyokuwa Hayapewi Kipaumbele katika Manispaa hiyo, Dr.Bload Komba, amewahakikishia wazazi kuwa dawa hizo ni salama kwa matumizi na zinalenga kuimarisha afya ya watoto dhidi ya magonjwa hayo.

Mratibu huyo amewataka wazazi na walezi kushirikiana na kuhakikisha watoto wote walengwa wanahudhuria ili kupata kinga hiyo muhimu kwa afya yao.