WAZIRI Aweso ataka Wananchi washirikishwe kulinda Vyanzo vya Maji

Imewekwa kuanzia tarehe: October 5th, 2022

WAZIRI wa Maji Mhe, Jumaa Hamidu Aweso amewataka viongozi wa bodi ya maji Mkoani Ruvuma kuwashirikisha wananchi kulinda vyanzo vya maji

Waziri Aweso alitoa agizo hilo wakati wa ziara yake ya kikazi mkoani Ruvuma, kwenye Hafla ya uzinduzi wa bodi ya sita ya bonde la Ziwa Nyasa katika ukumbi wa Heritage cottage mjini Songea

Alisema ni vizuri wananchi washirikishwe kwa kuwapa elimu ya ulindaji wa vyanzo ili kuweza kuondokana athari za ukosefu wa maji pia amewataka wakurugenzi wa mamlaka ya maji kutambua majukumu yao ya msingi asa kutambua vyanzo pamoja na kuvipa kipaumbele kwa kuwashirikisha  wananchi.

“Vyanzo vyote vya maji vinapita kwenye Jamii na kila eneo kuna Wananchi kama kiongozi wenu nimejifunza kuwa Jamii ipo tu siku zote ukiishirikisha mtafanikiwa na msipo ishirikisha mtakwama kama kiongozi wenu naomba  tushirikiane na jamii tutafanikiwa kulinda vyanzo vya maji” alisema  Aweso.

Hata hivyo amewasisitiza viongozi wa bodi hiyo ya sita bonde la Ziwa Nyasa ikasimamie rasilimali za Maji kwani serikali inawekeza fedha  nyingi kwenye miradi hiyo ya Maji kwa lengo la kupunguza chamgamoto za maji na kulinda vyanzo vya vyake.

Naye Mkuu wa Mkoa wa Ruvuma Kanali Laban Thomas amemshukuru Mhe, Rais Samia Suluhu kwa kutoa fedha za miradi ya Maji yenye thamani ya shilingi bilioni 42 ambayo inatekeleza ujenzi wa miradi 35 mkoani umo

“Tunamshukuru sana Mhe, Rais kwa kutambua shida zetu na kweli kwa dhati ya moyo wake ameamu kuwatua akinamama wa Mkoa wa Ruvuma ndoo kichwani pia sisi kama serikali ya Mkoa tutazidi kusimamia na kulinda vyanzo vyanzo vya Maji” alisema kanali Thomas

Akizungumza kwenye hafla hiyo Mwenyekiti wa CCM Mkoa wa Ruvuma Ndugu Odo Mwisho alisema wao kama chama watazidi kushirikiana na bodi pamoja na mamlaka ya maji RUWASA ili kuwaamasisha Wananchi katika kuitunza na kuilinda vyanzo vya Maji.