KARIBU Mwenge wa Uhuru mkoani Ruvuma

Imewekwa kuanzia tarehe: May 26th, 2024

MWENGE wa Uhuru unatarajia kuanza mbio zake mkoani Ruvuma kuanzia Juni 8 na kukamilisha mbio zake Juni 15,2024.

Kwa mujibu wa ratiba ya Mwenge wa Uhuru 2024,Mwenge wa Uhuru utapokewa mkoani Ruvuma ukitokea mkoani Mtwara Juni 8,2024 katika Kijiji cha Sautimoja wilayani Tunduru.

Kulingana na ratiba hiyo Mwenge wa Uhuru,Juni 8  utakimbizwa katika Halmashauri ya Tunduru,Juni 9  Namtumbo,Juni 10 Halmashauri ya Songea,Juni 11 Halmashauri ya Mbinga,Juni 12 Nyasa,Juni 13 Halmashauri ya Mbinga Mji,Juni 14 Songea Manispaa na Juni 15  Halmashauri ya Madaba.

Mwenge wa Uhuru unatarajia kukabidhiwa katika   Kijiji cha Mavanga wilayani Ludewa Mkoa wa Njombe Juni 16,2024.

Kaulimbiu ya Mwenge  wa Uhuru mwaka huu ni tunza mazingira na shiriki  uchaguzi wa serikali za mitaa kwa ujenzi wa Taifa endelevu